E ardhmja e De Biazit, brenda qershorit

Pak ditë pas dorëheqjes së xhani de Biazit si trajner i kombëtares shqiptare, mediat italine zbulojnë prapaskenat e këtij vendimi por edhe detaje për të ardhmen e tij. 61-vjecari deklaroi se e kishte marrë vendimin për t’u larguar nga drejtimi i kuqezinjve menjëherë pas miqësoren se humbur me Luksemburgun, duke shigjetuar madje lojtarët për të cilët theksoi se ishin tejngopur vetëm me faktin se kanë marrë pjesë në finalet e Europianit. De Biasi shtoi gjithashtu se ndjen keqardhje për mënyrën se si reagoi kombëtareja kuqezi pas Europianit, duke humbur shumë nga grinta e saj.

Nëse ditën e konferencës për shtyp ku u shfaq pëkrah presidentit Armand Duka,  italiani deklaroi se nuk ka asnjë ofertë, ndërkohë që mediat italiane zbulojnë të kundërtën. Ose më saktë klubet e interesuara për të pas zyrtarizimit të divorcit me Shqipërinë nuk kanë munguar.

Një ofertë i ka ardhur nga Spanja, e një tjetër nga ekipi kinez Tianjin Teda. Po nuk janë të vetmet. De Biazi ka kërkuar pak kohë për të vendosur, megithatë brenda muajit qershor e ardhmja e tij do të jetë zgjidhur.

Ai ka disa kushte para se të pranojë të firmosë. Kërkon të ketë dorë të lirë në vendimarrje, sepse dëshiron të përzgjedhë lojtarët e duhur mbi të gjitha në aspektin human e më pas në ato teknike. Këtë liri veprimi e ka patur edhe gjatë qëndrimit në Shqipëri. Një armë më shumë për ta shfrytëzuar si argument në bisedimet me klubet që e kërkojnë.