E bujshme, Xhevahir Sukaj “divorcohet” me Partizanin

Xhevahir Sukaj, me siguri do të largohet nga Partizani. Mungon vetëm zyrtarizimi, por burime pranë klubit të Partizanit bëjnë me dije se lojtari nuk do të vazhdojë të luajë me “demat e kuq”.

Klubi prej kohësh ka nisur operacionin “fshesa” dhe duket si i fundit, madje një nga më të rëndëisshmit, është pikërisht bomberi shkodran. Gjithcka është arritur me konsensus, pasi duke parë se Partizani po kërkon sulmues të rinj jashtë Shqipërisë, Sukaj nuk ka dashur të jetë rezervë. Ai ka biseduar me drejtuesit dhe mësohet se është gjetur një marrëveshje.

Disa klube kanë shfaqur interesim për të, duke nisur që nga Vllaznia dhe deri tek Teuta, por mbetet për t’u parë nëse shkodrani do të qëndrojë në Shqipëri apo do të luajë jashtë!

Burimi:http://www.panorama.com.al/sport/e-bujshme-xhevahir-sukaj-divorcohet-me-partizanin/