Emocionuese/ Suarez braktis mes lotësh ekipin e Barcelonës (VIDEO)

Luis Suarez ditën e sotme i ka dhënë lamtumirën Barcelonës dhe ish-shokëve të tij. Ai zhvilloi seancën e fundit stërvitore, para se të largohej.

Mediat spanjolle kanë kapur momentin kur ai la qendrën stërvitore “Ciutad Deportiva” me makinën e tij, teksa dukej qartë se ishte i prekur.

Futbollisti uruguaian është parë duke fshirë lotët pasi u detyrua që të largohej nga trajneri Koeman që nuk e kishte në planin e tij. Sulmuesi shumë shpejt do të nisë stërvitjen me Atletico Madrid, teksa në orët në vijim do të bëhet edhe zyrtarizimi.