Enrique: Ja si do shpallemi kampion në La Liga

Trajneri i Barcelonës, Luis Enrique ka motivuar lojtarët e tij për ndeshjen e fundjavës kundër Villarrealit në “Camp Nou”.

Në një deklaratë për mediat, spanjolli nënvizoi se skuadra e Villarrealit është një ndër kundërshtarët më të fortë në La Liga, shkruan “Mundo Deportivo”.

Enrique kërkon nga lojtarët e Barcelonës të mos përqendrohen te rivalët e Realit por te kundërshtari i radhës.

“Villarreali është një ndër kundërshtarët më të vështirë në kampionat. Ata janë një ekip i shkëlqyer pasi kanë një fortësi të admiruar mbrojtëse dhe aftësi për të krijuar rrezik përmes futbollistëve që dalin shpejt. Ne duhet të zhvillojmë çdo ndeshje si finale dhe në fund duhet të shohim renditjen se çfarë do të bëjnë rivalët e Real Madridit”, u shpreh ai.

Kujtojmë që Barcelona dhe Real Madrid renditen të parët me pikë të barabarta por “Los Blancos” ka zhvilluar një ndeshje më pak se katalanasit.