FOTO/ A do ikë Ronaldo? Zidan e telefonon dhe …

Zinedine Zidane nuk mund të qëndrojë indiferent në situatën e fundit të krijuar rreth Cristiano Ronaldos.

Prej dy ditësh ai është lajmi kryesor në mediat botërore, pasi thuhet se ai nuk është i lumtur në Spanjë dhe kërkon të largohet.

Portugezi po akuzohet për evazion fiskal dhe kjo e ka zemëruar atë, duke menduar që më mirë të largohet nga ky shtet.

Vet lojtari dhe presidenti Florentino Perez ende nuk kanë folur, por situatën në dorë e ka marrë trajneri i skuadrës Zinedine Zidane.

Sipas të përditshmes spanjolle AS, Zidane e ka telefonuar Ronaldon dhe i ka thënë se nuk dëshiron që ai të largohet, pasi bën pjesë në planet e tij për të ardhmen.

“Cristiano, unë nuk dëshiroj që t’i të largohesh. Ju jeni njeriu kryesor në projektin fitues të Real Madridit, për shkak të shpirtit tuaj fitues dhe për shkak të golave”, besohet t’i ketë thënë Zidane.

Ronaldo ka kontratë me Real Madridin deri në vitin 2021 dhe një klauzolë prej 1 miliard euro.

Skuadra që thuhet se mund të paguajnë deri në 200 milionë për shërbimet e tij janë PSG, Manchester United dhe disa skuadra kineze.