Futbolli italian në zi, ndërron jetë ish-lojtari i kombëtares “axurre”

Ish-futbollisti i Torinos dhe Xhenoas, Aldo Agropi, ka ndërruar jetë në moshën 80-vjeçare.

Në karrierën e tij si futbollist ka veshur pesë herë fanellën e kombëtares italiane. Ai drejtoi edhe ekipe italiane si Fiorentina, Peruxhia, Komo etj.

Pasi përfundoi karrierën e tij në botën e futbollit, Agropi nisi një rrugëtim shumë të gjatë si komentues në programe të ndryshme sportive në radio dhe TV.

Ai ndërroi jetë mëngjesin e sotëm në spitalin e Piombinos, qyteti ku lindi më 14 prill 1944. Agropi ishte shtruar prej disa ditësh në spital dhe ishte në terapi intensive për shkak të pneumonisë dypalëshe.