Gazetari zbulon sekretin e talentit Gavi: Luan me lidhëset e atleteve të zgjidhura

Një nga futbollistët më të spikatur këtë sezon te Barcelona është Pablo Martín Páez Gavira, ose siç e njohin të gjithë, Gavi. 17-vjeçari, i cili edhe në sfidën e fundit të katalanasve ndaj Elche ishte protagonist duke shënuar një gol, por ai ka dhe një sekret që pak e dinë për të.

Mesfushori me tipare ofensive luan me lidhëset e atleteve të zgjidhura teksa gazetari spanjoll Marc Marba, thekson se ai tashmë është mësuar me këtë mënyrë dhe nuk e ka problem.

“Gavi është mësuar të luaj me lidhëset e atleteve të zgjidhura prej kur ishte fëmijë, kjo sepse ai nuk di si t’i lidhë ato. Por, tashmë atij nuk i intereson më dhe thjesht luan ashtu”, u shpreh Marba.