Higuain bëhet çështje tek Argjentina, a do të grumbullohet në Botëror?

Jorge Sampaoli e ka lënë sërish jashtë skuadrës së Argjentinës Gonzalo Higuainin, por ka thënë se sulmuesi i Juventusit nuk ka nevojë të dëshmojë asgjë, pasi dihen vlerat e tij.

Higuain nuk është ftuar nga Argjentina që nga fitorja 1-0 kundër Brazilit në miqësoren e qershorit, ndeshja e parë e Sampaolit pas largimit të Edgardo Bauza.

29-vjeçari nuk po kalon një formë të mirë, ku ka shënuar vetëm katër gola në 12 ndeshje. Por trajneri i Argjentinës thotë se ish-sulmuesi i Realit të Madridit nuk ka nevojë që t’i dëshmojë diçka atij.

“E kam në mendje Higuain. E di shumë mirë se çfarë mund të bëjë ai. Nuk ka nevojë që të dëshmojë asgjë. Do të jetë në dorën tonë që të vendosim nëse do të thirret për Kupën e Botës apo jo”, deklaroi Sampaoli.