Holanda humbet van de Beek për Kampionatin Europian!

Holanda do të duhet të bëjë pa Donny van de Beek gjatë gjithë turneut për shkak të dëmtimit të futbollistit të Manchester United. Mesfushori nuk do të kthehet nën urdhrat e trajnerit Frank de Boer, i cili ka vendosur të mos grumbullojë ndonjë lojtar tjetër për zëvendësimin e tij.

Lajmin për mbetjen e van de Beek jashtë listës së “Tulipanëve” u dha nga paraditen e kësaj të marte nga Federata e Holandës. Ditët e fundit kishte dyshime për gjendjen fizike të 24-vjeçarit, i cili humbi miqësoren me Gjeorgjinë më 6 qershor, ndërkohë që kishte qëndruar gjatë gjithë kohës në stol në barazimin 2-2 me Skocinë më 2 qershor.

Van de Beek vjen nga një sezon më se i komplikuar në karrierës së tij. Nga 36 paraqitje në total, në vetëm 15 raste u aktivizua titullar dhe vetëm 4 nga këto u përkasin sfidave në Premier League.