Humb jetën në aksident automobilistik talenti i skuadrës së Lazios

Një lajm tragjik trondit botën e futbollit në Itali. Daniel Guerini, mesfushori i skuadrës së Lazios U-19 humbi jetën në një aksident automobilistik. Siç raportohet nga mediet italiane, aksidenti ndodhi në Romë në rrugën “Togliatti”.

Përveç Guerinit, i cili fatkeqësisht nuk ia doli, dy bashkëmoshatarë të tjerë të viktimës mbetën të plagosur rëndë. Të tre djemtë po udhëtonin me një Smart, i cili u përplas ballë për ballë me një makinë Mercedes.

Shkaqet e aksidentit nuk janë zbuluar ende. Daniel Guerini është grumbulluar me moshat U-15 dhe U-16 të Italisë, ku është aktivizuar në total në 13 ndeshje dhe ka shënuar 2 gola.