Ibrahimovic shqetëson Milanin, braktis seancën stërvitore pas 15 minutash me Suedinë

Milani është në ankth për gjendjen e Zlatan Ibrahimovic. Sulmuesi 39-vjeçar kuqezi braktisi seancën stërvitore pas vetëm 15 minutash dhe u largua nga fusha duke ecur, mjaft i qetë, me fizioterapistin Christian Andersson.

Ibrahimovic, sipas raportimeve, kishte planifikuar tashmë të bënte një pjesë të trajnimit në grup dhe një pjesë individuale. Suedia, nesër në mbrëmje pritet të luajë në shtëpi kundër Estonisë, një sfidë miqësore, ku Ibra me shumë mundësi nuk do të luajë.