Indrit Tuci rikthehet te goli me Kayserispor pas 6 muajsh pritje

Pas një periudhe të vështirë dhe të gjatë pa shënuar, Indrit Tuci ka gjetur më në fund rrugën e rrjetës me fanellën e Kayserispor.

Sulmuesi i kombëtares shqiptare u aktivizua nga stoli në minutën e 44-të, duke zëvendësuar një shok skuadre të dëmtuar, dhe vetëm pak minuta më vonë u bë protagonist. Në minutën e 60-të, Tuci realizoi golin e tij pas një asistimi të saktë nga Cardoso.

Takimi u shoqërua me tension të lartë, pasi në fundin e pjesës së parë, në minutën 45+6, skuadrës së Kayserispor iu anulua një gol, vendim që shkaktoi reagime të forta nga tifozët në stadium.

Ky është goli i tretë sezonal për Tucin, i cili numëron 18 paraqitje në këtë edicion. Hera e fundit që 25-vjeçari kishte shënuar për Kayserispor daton më 2 nëntor 2025, në fitoren 3-2 ndaj Kasımpaşa.