Interi mendon të transferojë falas futbollistin me origjinë shqiptare

Giuseppe Marotta shquhet për goditje me kosto zero. Drejtori sportiv i zikaltërve duket se edhe këtë verë do të bëjë goditje të tilla te skuadra e Interit.

Sipas “Tuttosport” ideja me e fundit është Shkodran Mustafi. Mbrojtësi me origjinë shqiptare në verë i përfundon kontrata me ekipin e Arsenalit dhe më pas do të jetë një futbollist i lirë.

Ai mund të jetë një alternativë e mirë në prapavijë, duke marrë në konsideratë faktin që Ranocchia mund të largohet, ndërkohë që trinomi De Vrij, Bastoni dhe Skriniar është i pazëvendësueshëm. /R.Lika-Koha Jone/