Jasir Asani braktis Partizanin në janar, drejt transferimit në Suedi

Jasir Asani mund të largohet nga skuadra e Partizanit që në muajin janar. 24-vjeçari nga Shkupi pritet të transferohet drejt kampionatit të Suedisë ku e dëshirojnë disa skuadra, por interesimi më konkret është i AIK Stokholm.

Asani mbërriti dy vite më parë te 16 herë kampionët e Shqipërisë, duke nënshkruar kontratë 4-vjeçare. Drejtuesit e klubit të kuq e kanë bërë të qartë se do të shesin lojtarë nëse ofertat janë interesante e ndoshta ky është rasti për të arkëtuar disa qindra mijëra euro.

Drejtuesit e kuq duhet ta zgjidhin shumë shpejt të ardhmen e Asanit, duke e shitur ose rinovuar kontratën, sigurisht me kushte më të mira financiare për futbollistin. Klauzola e largimit të tij shkon në 400 mijë euro, por Partizani mund të heqë dorë nga futbollisti edhe për një shifër më të ulët.