Juventus hetohet nga FIFA, “Zonja e vjetër” rrezikon bllokimin e merkatos

Gjithçka është konfirmuar nga një zëdhënës i qeverisë botërore të futbollit për “ESPN”. “Është e vërtetë, por nuk mund të japim detaje të tjera, vetëm mund t’iu konfirmojmë se nuk ka nisur asnjë hetim për Manchester Unitedin”- mësohet të ketë thenë personi në fjalë, duke përjashtuar në këtë mënyrë klubin anglez dhe në të njëjtën kohë duke përfshirë në hetime Juventusin dhe përfaqësuesin e lojtarit, Raiolën.

Nëse arrihet në konkluzionin se klubi bardhezi ka pjesë të përgjegjësisë, atëherë kampionët e Italisë rrezikojnë nga masa administrative e deri tek bllokimi i sesionit të ardhshëm të merkatos. Kujtojmë që vendime për bllokimin e një hapësire të shit-blerjeve janë marrë në të shkuarën për klube të tjerë mjaft të njohur si Real Madridi, Barcelona apo edhe Atletico, megjithëse për arsye të tjera.