Juventus kërkon talentin 18-vjeçar të Ajaxit

Juventusi është gjithmonë i vëmendshëm për sa i takon talenteve të rinj. Zonja e Vjetër ka kohë që ka piketuar mesfushorin e Ajaxit, Ryan Gravenberch, të cilin shumë specialistë të botës së futbollit e krahasojnë me francezin Paul Pogba.

Bardhezinjtë kërkojnë të përforcojnë mesin e fushës dhe 18 vjeçari është lojtari i duhur për të ardhmen. Por Gravenberch nuk është i vetmi që ndiqet nga italianët, të cilët interesohen edhe për Devyne Rensch, i cili mund të aktivizohet si në mbrojtje edhe në mesfushë.