Juventus rikthen sërish në skuadër Lippi-n, ja rolin që i kanë besuar

Marcello Lippi do të rikthehet sërish te Juventusi, por tashmë me një rol të ri, si drejtor i zonës teknike të klubit. Një zgjidhje kjo e menduar nga presidenti Andrea Agnelli i cili ka vendosur ti japë prioritet projektit Pirlo dhe për t’ia bërë gjërat më të thjeshta ish-mesfushorit bardhezi me afrimin e njohjeje të vjetër si Lippi.

Me rikthimin e tij te Juvja nuk do të forcojë vetëm strukturën tekniko-menaxheriale por mund të jetë edhe një mbështetje e madhe për Andrea Pirlon i cili ka ende për të mësuar në rolin e trajnerit.

Në kampin juventin as që duan ta mendojnë se Lippi me kalimin e muajve mund të zëvendësojë Pirlon në stol në rast se ky i fundit dështon në përmbushjen e objektivave por edhe kjo hipotezë ekziston.