Kaos në Paris pas kualifikimit të PSG në finalen e Champions-it, një makinë përplas 3 tifozë (VIDEO)

Festa për kualifikimin e Paris Saint-Germain në finalen e Ligës së Kampionëve është kthyer në një natë dhune dhe kaosi në kryeqytetin francez. Pas fitores së skuadrës pariziene ndaj Arsenalit, si në ndeshjen e parë ashtu edhe në atë të kthimit, tifozët u hodhën në rrugë për të festuar, por situata doli jashtë kontrollit.

Sipas autoriteteve franceze, incidenti më i rëndë ndodhi në Avenue Marceau, pranë Champs-Elysées, ku një automjet përplasi tre tifozë. Njëri prej tyre ndodhet në gjendje kritike për jetën, ndërsa dy të tjerët kanë plagë më të lehta. Rrethanat e aksidentit mbeten ende të paqarta dhe janë nën hetim nga policia.

Pamjet që po qarkullojnë masivisht në rrjetet sociale tregojnë reagimin e menjëhershëm të turmës, e cila sulmoi makinën përgjegjëse për aksidentin, duke e shkatërruar dhe më pas djegur. Tensioni u përshkallëzua në një situatë që ngjante me një “luftë urbane”, me makina të tjera të djegura, përfshirë edhe një mjet të bashkisë së Parisit.

Forcat e rendit, që numëronin rreth 2.000 efektivë të angazhuar për ruajtjen e rendit, ndërhynë me vështirësi dhe raportuan plot 43 arrestime gjatë natës, sipas të dhënave zyrtare të prefekturës së Parisit. /Koha Jonë/

Scènes de guerre sur les Champs-Élysées après la qualification du PSG. Magasins attaqués, voitures incendiées, policiers caillassés… Voilà le vrai visage du chaos français. L’anarchie prospère quand l’État abdique. Il est temps de rétablir l’ordre, l’autorité et la justice ! pic.twitter.com/qssdyoFcuO

— N. Dupont-Aignan (@dupontaignan) May 8, 2025