Kontroll i papritur te Gjermania, 8 lojtarë bëjnë testin antidoping

Kombëtarja gjermane sot pati një vizitë të papritur në Sochi, aty ku po bëhet gati për të luajtur në Kupën e Konfederatave “Rusi 2017”.

Tetë lojtarë të trajnerit Joachim Low u desh t’u nënshtroheshin kontrolleve për doping nga FIFA.

Siç shkruan “Sport1”, emrat e inspektorëve të cilët kryen procedurat nuk janë bërë publikë.  Lojtarët të cilët duhet të bënin testet e urinës dhe gjakut u zgjodhën krejt rastësisht në hotelin e skuadrës. Gjermanët, sigurisht, nuk u shqetësuan, sepse kjo është një rutinë e domosdoshme në futboll.

Ndeshja e parë e kampionëve të botës do të jetë ajo e së hënës  me Australinë. Në grup Gjermania duhet të përballet edhe me Kilin dhe Kamerunin. Bashkë me Portugalinë, “pancerat” janë favoritë për të fituar turneun.