Krizë te Vinicius, tifozët e Real Madridit e vërshëllejnë, Mourinho i del në mbrojtje

Vinicius Junior po kalon një periudhë të vështirë te Real Madridi. Kartoni i kuq, rënia e formës dhe raporti i tensionuar me tifozët kanë shtuar shqetësimet rreth brazilianit, i cili po përballet me sfidën për t’u rikthyer në nivelin e tij më të mirë.

Polemikat nuk janë kufizuar vetëm te përjashtimi nga loja. Televizioni zyrtar i Real Madridit kritikoi gjykimin, duke pretenduar se arbitri nuk kishte përdorur të njëjtat standarde në akordimin e faulleve për të dyja skuadrat.

Megjithatë, vëmendja është përqendruar edhe te paraqitjet e Viniciusit, i cili nuk po arrin të bëjë diferencën si në periudhat kur konsiderohej një nga lojtarët vendimtarë të ekipit madrilen.

Situata merr rëndësi të veçantë edhe për faktin se braziliani ka rinovuar kontratën me Real Madridin deri në vitin 2032. Rikthimi në formën më të mirë mbetet një objektiv i rëndësishëm për të dhe për skuadrën.

Përpara ndeshjes, Jose Mourinho doli në mbrojtje të futbollistit, duke e cilësuar atë një lojtar të jashtëzakonshëm që meriton mbështetje. Sipas trajnerit, Viniciusi po punon fort për të rifituar formën dhe për të ndihmuar ekipin të fitojë ndeshje e trofe.

Megjithatë, reagimi i tifozëve në Santiago Bernabeu tregoi se marrëdhënia mes brazilianit dhe tribunave mbetet e tensionuar. Vërshëllimat ndaj tij dëshmuan se rikthimi i besimit të publikut do të jetë një tjetër sfidë.

Pavarësisht kritikave, shokët e skuadrës dhe Mourinho i qëndruan pranë pas golit të anuluar, duke u përpjekur ta qetësonin dhe ta ndihmonin të rifitonte besimin.

Tani, Real Madridi duhet të përballet jo vetëm me polemikat e gjykimit, por edhe me formën e Viniciusit dhe raportin e tij me tifozët.