Leo Messi siguron Argjentinën në finalet e kampionatit botëror

Paulo Dybala, sulmuesi i Juventusit, i ka thurur lavde Lionel Messit. Sulmuesi i Juventusit, Paulo Dybala, ndihet me fat që ka pasur mundësin që jetë pranë Lionel Messit, i cili i siguroi Argjentinës kualifikimin në Botërorin “Rusia 2018”. “Unë jam me fat që e shoh dhe e kam aq afër”, ka shkruar ylli i Juventusit në Twitter.  Lionel Messi shënoi tre gola në fitoren e Argjentinës ndaj Ekuadorit (1:3). Kjo fitore i mundësoi Argjetinsë që të kualifikohet në Botërorin “Rusia 2018”.

Lionel Messi, me tre gola të shënuar ndaj Ekuadorit (1:3), ka arritur ta kualifikoj Argjentinën në Kampionatin Botëror “Rusia 2018”. Pas ndeshjes, presidenti i Federatës së Futbollit të Argjentinës, Chiqui Tapia e ka pritur yllin e Barcelonës para dhomave të zhveshjes.

I përlotur për këtë sukses, Tapia e ka përqafuar Messin dhe e ka falënderuar për kontributin e dhënë për skuadrën e Argjentinës deri më tani.