Luhet sonte finalja e Superkupës së Europës, zhvillohet në Greqi

Manchester City dhe Sevilla do të përballen sonte në mbrëmje në stadiumin “Karaiskakis” në Greqi për finalen e Superkupës së Europës.

City bëri një rrugëtim fantastik sezonin e kaluar në Champions League dhe u kurorëzuan si kampionë të Europës. Skuadra e Guardiolës mposhti Interin në finalen e Stambollit me rezultatin 1-0 dhe sonte do të kërkojë dhe një trofe siç është Superkupa e Europës.

Sevilla shkëlqeu në aventurën e saj në Europa League duke dalë kampione. Edhe skuadra spanjolle mposhti një skuadër italiane, Romën. Tani mbetet të shihet se cila skuadër do të triumfojë, por skuadra angleze është ndjeshëm e favorizuar për shkak të yjeve që ka në dispozicion, edhe pse de Bruyne nuk do të jetë.