Maqedonia e Veriut fitore historike ndaj Gjermanisë, Spanja mund Kosovën (VIDEO)

Maqedonia e Veriut po kalon një moment fantastik, teksa mbrëmjen e sotme ka arritur një fitore historike 2-1 në transfertë ndaj Gjermanisë. Goran Pandev zhbllokoi sfidën në minutën e dytë të shtesës së pjesës së parë, pas një aksioni të gjatë. Në minutën e 63-të, Gjermania do të gjente golin e barazimit me Gundogan që shënoi nga pika e bardhë. Maqedonia ndërkohë nuk u demoralizua, pasi 5 minuta nga fundi i ndeshjes Elmas shënoi golin, që do të rezultonte i fitores.

Nuk kishte surpriza në ndeshjen tjetër, teksa Spanja mundi 3-1 Kosovën. Në minutën e 34-t, Olmo shënoi një super gol me një goditje shumë të bukur brenda zonës, duke e dërguar topin në trekëndësh. Dy minuta më pas, do të vinte një kundërsulm i shpejt i Spanjës, që do të konkretizohej nga Ferran Torres me një goditje të fortë, edhe pse ishte në pozicion të prirët. Besar Halimi rihapi sfidën në minutën e 70-të nga mesi i fushës pas daljes së prtierit, por 5 minuta më pas Moreno sfumoi shpresat e dardanëve. /R.Lika-Koha Jone/