Melo i përgjigjet Chiellinit: Burracak, që e bënte në brekë!

Pas Mario Balotellit, edhe Felipe Melo ka reaguar ndaj autobiografisë së Chiellinit, i cili e konsideroi si të keqin e më të këqinjve, duke e cilësuar si shkaktarin e krijimit të sherreve. Braziliani ndërkohë i është përgjigjur shumë ashpër, duke e cilësuar si frikacakë.

“Do më pëlqente të dija se për çfarë incidentesh e ka fjalën. Kur isha në Torino, unë i respektoja të gjithë. Gjithsesi, tanimë nuk kam respekt për Chielinin dhe nuk do kem kurrë. Thotë se unë gjithmonë isha ai që rrezikoja krijimin e sherreve?

Epo tani ai gjithmonë ka qenë një burracak që e bënte në brekë. Ai mbase është akoma i mërzitur me mua, sepse kur shkova te Galatasaray i eliminuam nga Liga e Kampionëve, apo sepse Interi fitoi gjithçka dhe unë dihet që jam interist” deklaroi Melo për “Gazzetta.it”.