Milani fiton ndaj Cagliarit, ngjitet në vendin e dytë (VIDEO)

Milan merr një fitore të rëndësishme 1-3 në “Unipol Domus” ndaj Cagliarit në takimin e javës së gjashtë të Serie A. Vendasit zhbllokuan sfidën me Luvumbo në minutën e 29-të, me një goditje të fortë në zonë.

Megjithatë në minutën e 40-të Okafor barazoi për Milanin falë një gabimi të portierit vendas. 5 minuta më pas, Tomori përmbysi rezultatin dhe bëri që pjesa e parë të mbyllej me Milan në avantazh.

Në pjesë e dyta skuadra e Piolit shënoi golin e sigurisë, që u realizua nga Loftus-Cheek në minutën e 60-të, duke vulosur këtë takim. Pas javës së gjashtë të Serie A, Cagliari qëndron në vend të fundit me dy pikë, ndërsa Milan ngjitet në vend të dytë me 15 pikë.