Milani i vendos çmimin Donnarummas

Milani është i bindur se Gianluigi Donnarumma dëshiron të qëndrojë në “San Siro” por në rast të ndonjë largimi të mundshëm atëherë çdo klub duhet të paguajë plot 70 milionë euro.

Edhe pse 18-vjeçari e nënshkroi një kontratë të re këtë verë, mediat italiane raportuan dje dhe sot se agjenti i tij, Mino Raiola, është i palumtur me marrëveshjen.

Donnarumma nuk dëshiron të shitet, por problemi është se Milani nuk e ka nënshkruar asnjëherë marrëveshjen për klauzolën e lirimit të tij.

Meqë klauzola e lirimit të tij nuk është nënshkruar kurrë, “Kuq e zinjtë” janë të lirë ta hedhin poshtë çfarëdo oferte dhe në këtë mënyrë, Donnarumma nuk do të largohet për më pak se 70 milionë euro.