Mohamed Salah sezon rekord në Premier League, shifrat e tij janë të frikshme

Mohamed Salah po kalon një sezon rekordesh me Liverpoolin. Goli i tij të dielën kundër Manchester City-it ishte i 30-ti sezonal në të gjitha kompeticionet dhe kjo do të thotë se ai tani e ka arritur shifrën e 30 golave në pesë sezone për klubin, një rekord që ai ndan me legjendat Roger Hunt dhe Ian Rush.

Viti i tij i parë në “Anfield” në sezonin 2017-18 mbetet më i miri personalisht për numrin e golave të shënuar. Ai e gjeti rrjetën 44 herë në të gjitha kompeticionet, me 32 gola të shënuar vetëm në Premier League.

Tashmë i duhen edhe tetë gola nga 11 ndeshjet e fundit të kampionatit për të vendosur rekordin e sezonit të tij më të mirë në kampionatin më të fortë në botë, ndërsa me 15 gola në të gjitha ndeshjet e mbetura të sezonit, do ta shihnin atë të thyente rekordin personal të 44 golave.

Egjiptiani është lojtari i vetëm në historinë e Premier League, i cili është përfshirë drejtpërdrejt në +40 gola në më shumë se një sezon, pasi e ka bërë këtë në sezonin 2017-18 (42-32 gola, 10 asiste) dhe sezonin aktual (41-25 gola, 16 asiste) për Liverpulin. Ai është lojtari i parë në historinë e Premier League që shënon dhe asiston në të dyja ndeshjet kundër kampionëve në fuqi gjatë një sezoni të vetëm.