Ndeshja Shqipëri-Angli,Policia mbyll bizneset rreth stadiumit

Këtë të diel Kombëtarja Shqiptare do të presë në stadiumin “Air Albania” Anglinë. Për të garantuar sigurinë gjatë ndeshjes, policia ka vendosur të marrë disa masa. Këtu përfshihet mbyllja e bizneseve dhe lokaleve që ndodhen rrotull stadiumit.

Ata do të duhet të ulin qepenët para ndeshjes, kurse rrugët do të bllokohen vetëm në momentin e mbërritjes së lojtarëve në fushën e blertë. Sfida do të luhet pa tifozë.

Kujtojmë që pak ditë më parë policia vuri në pikëpyetje zhvillimin e ndeshjes për shkak se bizneset rreth stadiumit nuk i lejonin të garantonte sigurinë.