“O sa mirë me qenë shqiptar!” Festa e çmendur e Kombëtares në dhomat e zhveshjes (Video)

Suksesi fantastik përballë Republikës Çeke solli gëzim dhe lot në çdo cep të botës ku flitet shqip.

Atmosfera pas sfidës ishte elektrizuese dhe përfshiu të madh e të vogël, pa diskutim u festua gjatë edhe nga protagonistët e këtij suksesi.

Nga presidenti Duka, te trajneri Sylvinho, lojtarët ishin të gjithë të papërmbajtshëm.

Fillimisht festuan në fushë me tifozët, ndërsa festa nuk mungoi as në dhomat e zhveshjes, ku protagonist ishte dhe kreu i FSHF-ës i cili festoi pafund duke përqafur të gjithë lojtarët.

I pranishëm duke festuar me çunat e Kombëtares ishte dhe djali i vogël i kryeministrit Edi Rama, Zaho.