Panucci gjen justifikimin për humbjen: I dhuruam dy gola Skocisë!

Trajneri i kombëtare sonë, Christian Panucci ka folur pas humbjes ndaj Skocisë, duke fajësuar futbollistët e tij për mungesë agresiviteti.

“Kundërshtari na dominoi. Ishte përgatitur keq ndeshja? Është mendimi juaj, unë kam mendimin se ndeshja është përgatitur mirë. Kemi dhuruar dy gola. Kemi pasur rastet tona, por ata shënuan, ndërsa ne nuk shënonim dot.

Duhej eksperienca e Bashës sot? Edhe mbrojtja ndryshoi në pjesën e dytë… Ne kemi limitet tona në aspektin difensiv. Kundërshtari na ngacmon për të shkuar te zona e golit, dhe ne i japim hapësirë. Kemi pasur rastet tona, por në fushë ka pasur edhe lojtarë të tjerë me eksperiencë”, deklaroi Panucci.