Përdhunoi në grup vajzën shqiptare, Robinho fillon të “paguajë” dënimin e tij

Futbollisti brazilian Robinho ka filluar të vuajë pasojat pas akuzave për përdhunim në grup të një adoleshenteje shqiptare në vitin 2013, për të cilin iu dha dënim me 9 vite burg pak javë më parë.

Ai ende ka mundësinë për të apeluar, megjithatë efekti negativ i akuzave ka filluar. Si fillim, ekipi i Santos, klubi në të cilin Robinho po priste me padurim transferimin, i ka mbyllur dyert.

Në një intervistë për ESPN, presidenti i ri i Santos, tha se politika e re e klubit kërkon të sjellë në ekip lojtarë me imazh të mirë, dhe Robinho tani nuk po kalon një moment të mirë.

“Shpresoj që Robinho të jetë i pafajshëm, por për momentin nuk mund ta marrim në klubin tonë. Nuk është profili që po kërkojmë. Nuk mund të vëmë në diskutim vlerat e klubit tonë,” tha Presidenti i Santos.