Perez qetëson tifozët: Ronaldo nuk largohet nga Reali

Presidenti i Real Madridit, Florentino Perez i ka dhënë fund spekulimeve mediatike pasi ka konfirmuar se Ronaldo nuk do të largohet nga ‘Santiago Bernabeu”.

Në një intervistë për “Onda Cero”, numri një i klubit mardilen ka qetësuar tifozët të cilët i frikësohen largimit të katër herë fituesit të “Topit të Artë”, shkruan “MARCA”.

“Cristiano Ronaldo është futbollist i Realit të Madridit dhe do të vazhdojë te jetë. Nuk kam folur ende me të, por do të flas së shpejti. Besoj se çështja e taksave është shqetësimi më i madh i tij”, u shpreh ai.

Kujtojmë që kohët e fundit është raportuar se Ronaldo dëshiron të largohet nga Real Madrid për shkak se është i pakënaqur në Spanjë pas akuzave për mashtrim tatimor.