Pistorius sërisht në telashe, plagoset gjatë një përleshjeje në burg

Ish-kampioni paraolimpik, Oscar Pistorius ka mbetur i plagosur gjatë një përleshje në Atteridgeville, burgu në periferi të Pretorias, ku po vuan dënimin prej 13 vitesh për vrasjen e të dashurës, Reeva Steenkamp. Për momentin nuk dihej sesi ka ndodhur ngjarja, por nëse do të jetë Pistorius ai që ka filluar grindjen, ish-kampioni do të humbiste shumë privilegje. Sipas mediave britanike, Pistorius ishte në radhë për të përdorur telefonin kur ka filluar përleshja me një të burgosur tjetër. Për të qartësuar më tepër ngjarjen janë duke u marrë autoritetet përkatëse.