“Plas” te Juventusi pas barazimit ndaj Venezias, Vlahovic përplaset me tifozët

Situata te Juventusi nuk duket aspak e qetë. Barazimi i fundit në kampionat ndaj Venezia-s me rezultatin 2-2, ka irrituar së tepërmi tifozët, sidomos ata ultras.

Dusan Vlahovic shënoi në fund, për të shmangur humbjen e “Zonjës së Vjetër”, por pas përfundimit të takimit, sulmuesi u përfshi në një incident në fushë.

Gjatë kohës kur shkuan te tifozët e Juventusit, lojtarët u pritën me vërshëllima. Madje nuk munguan reagimet as ndaj Vlahovic, i cili ndryshe nga lojtarët e tjerë, reagoi ndaj tifozëve, duke pasur një përplasje në distancë me ta.

“E kuptoj keqardhjen për rezultatet e fundit dhe keni të drejtë ta shprehni. Ju kam respektuar gjithmonë duke dhënë gjithçka për fanellën. Ju falënderoj për mbështetjen që jepni çdo ditë. Tani është e rëndësishme të vazhdojmë të mbështesim ekipin dhe të ringrihemi të gjithë së bashku”, shkroi sot Vlahovic.