Presidenti Takaj: Skënderbeu mund të fitojë edhe jashtë

Priste më shumë pwr sa i përket rezultatit, megjithatë i përgëzon futbollistët e Skënderbeut për nivelin që shfaqën në fushë ndaj Partizanit të Beogradit. Presidenti i skuadrës korcare, Ardian Takaj, beson se shanset për kalimin e grupit janë ende reale.

“Sigurisht që prisja që të fitonim, por nuk mundëm të shënonim. Gjithsesi, skuadra bëri një paraqitje të mirë. Sfida në Beograd? Skënderbeu ka treguar që edhe jashtë fushës di të luajë futboll të bukur. Do të kërkojmë rezultat pozitiv në cdo fushë”, tha ai për supersport.

Pas tri ndeshjeve të para në Grupin B, kryeson Dinamo e Kievit me 7 pikë, ndjek me 3 Young Boys, ndërsa mbyllin renditjen Partizani i Beogradit me Skënderbeun me nga 2 pikë.