PSG bën gati 100 milionë euro për yllin e Napolit

Paris Saint-Germain hidhet në sulm për Khvicha Kvaratskhelia. Sipas asaj që raportohet nga La Gazzetta dello Sport, klubi francez ka paraqitur ofertën e parë Napolit për fantazistin gjeorgjian.

Sipas asaj që shkruhet, bëhet fjalë për një propozim 100 milionë euro, shifër që duket se kënaq edhe presidentin De Laurenttis.

Vendimtare do jetë vetë dëshira e Kvara-s, i cili do vendosë pas Europianit me Gjeorgjinë. PSG kërkon një zëvendësues për Mbappe, i cili vendosi që të largohej në drejtim të Realit.