Real Madrid hidhet në sulm për mbrojtësin e Atalantës

Ndeshja fantastike e Cristian Romero ka tërhequr vëmendjen e Real Madrid, që vazhdon të jetë në kërkim të një mbrojtësi për sezonin e ardhshëm. Argjentinasi po zhvillon një sezon fantastik me fanellën e Atalantës ku luan i huazuar, pasi kartoni i tij zotërohet nga Juventusi.

22-vjeçari në 17 paraqitje me skuadrën e drejtuar nga Gasperini ka realizuar edhe dy gola çka ka sjellë edhe interesimin e madrilenëve kundrejt tij. Drejtuesit e klubit spanjoll e konsiderojnë Romeron si objektivin kryesor për të përforcuar mbrojtjen, në rast të një largimi të Sergio Ramos, i cili nuk ka pranuar ofertën për rinovimin e kontratës.