Ronaldo me 100 milionë ndjekës në Instagram

Pak ditë pasi arriti shifrën rekord prej 400 golash të realizuar me fanellën e Real Madridit, Cristiano Ronaldo ka arritur një shifër “magjike”, por këtë herë në rrjetin social Instagram. Ylli portugez ka siguruar 100 milionë ndjekës në Instagram. Ronaldo është në mesin e pesë personaliteteve që kanë mbi 100 milionë ndjekës në këtë rrjet social. Listës i prin Selena Gomez me 199 milionë. Pas saj është Ariana Grande me 104 milionë. Taylor Swift dhe Beyonce kanë nga 101 milionë ndjekës.