Shoqata “Tirana” nderon Agustin Kolën

Edhe pse nuk është lindur në Tiranë, kontributi i tij për fanellën e kësaj skuadre ka qenë i madh. Agustin Kola nderohet nga shoqata “Tirana” me titullin “Mjeshtër i Merituar i Sportit”. Ishte presidenti i Federatës Shqiptare të Futbollit, Armand Duka që i dorëzoi çmimin e Shoqatës “Tirana”, ish-futbollistit të Tiranës dhe ekipit Kombëtar.

Kola nuk arriti t’i fshihte emocionet e këtij momenti.

Gjatë ceremonisë u akorduan çmime edhe për ish arbitrin Haxhi Pëllumbi, por edhe ish mundësin Xhaferr Bogdani dhe talentin e arteve marciale, Ada Demneri.