Shpërtheu në “play-off” e Botërorit, Eriksen kushton më shumë se Neymar sipas Tottenham

Christian Eriksen ndeshje pas ndeshje me Tottenham po tregon se është një futbollist klasi dhe me kombëtaren daneze pak ditë më parë tregoi një perfomancë të përkryer duke shënuar 3 gola.

Për shërbimet e tij kanë qenë dhe janë të interesuar Barcelona e Juventus që në merkaton e verës me shumë mundësi do shpalosin ofertat e tyre për 25-vjeçarin. Por për të bërë të tyrin mesfushorin duhet t’i bëjnë mirë llogaritë pasi presidenti i klubit anglez, Dajiel Levy, kërkon më shumë se shumë që Paris SG pagoi për të transferuar Neymar nga Barcelona.

Për Eriksen që kontrata i përfundon në verë të 2020 Tottenham kërkon të përfitojë 225 mln euro, raportojnë mediat angleze, në të kundërt do t’i ofrohet një kontratë e përjetshme nga klubi anglez.