Shtyhen tre ndeshje të kampionatit shqiptar për shkak të motit

Departamenti i Garave në FSHF bën me dije se tre ndeshje të javës së 16-të të Kategorisë së Parë, të programuara për t’u luajtur sot dhe nesër do të shtyhen për shkak të reshjeve të mëdha të shiut.

Konkretisht, ndeshjet Apolonia-Flamurtari dhe Besa-Lushnja do të luhen ditën e martë, më datë 17 dhjetor 2024, ora 13:30.

Edhe ndeshja Erzeni-Pogradeci u vendos të shtyhet, po për shkak të kushteve atmosferike dhe në dakordësi me klubet u vendos që të luhet ditën e mërkurë, ora 13:30.