Si mund të ndalet fenomeni Yamal? Zbulohet plani i Inzaghit për sot

Bota e futbollit duket se ka rënë dakord për një emër të vetëm: Lamine Yamal është futbollisti i ri më i fortë në planet. Dhe së shpejti, për të, do të hiqet edhe mbiemri “i ri” – do të mbetet thjesht “më i madhi”.

Ndërsa Barça përgatitet për gjysmëfinalen e kthimit ndaj Interit, në korridoret e Appianos rezonon një pyetje që ende nuk ka marrë përgjigje: si mund të ndalet Yamal? 

Një talent rrezikshëm që mbart mbi supe fatin e një skuadre që ëndërron finalen në Mynih. Barcelona nuk është vetëm Yamal, por kur 40% e aksioneve kalojnë nga këmbët e tij, ekuilibri i rrezikshmërisë prishet ndjeshëm.

Interi përgatitet për një detyrë të jashtëzakonshme. Bastoni, Dimarco dhe Mkhitaryan janë në qendër të planit të Inzaghit për të neutralizuar “fenomenin spanjoll”. Çdo centimetër i gabuar në leximin e lojës mund të jetë fatal.

Bastoni dhe Dimarco tashmë e njohin mirë Yamal-in, pasi janë përballur me të në Europian, kur në krahun tjetër Nico Williams “shkatërroi” Di Lorenzon, ndërsa Yamal shkëlqeu nga e djathta. Tani kërkojnë hakmarrje sportive.

Në aspektin fizik, Bastoni duket i freskët: qëndroi në stol kundër Veronës, ishte titullar në “Montjuïc” dhe mungoi për shkak kartonësh kundër Romës. Ndryshe nga Dimarco, më i lodhur, por që u menaxhua me vetëm 21 minuta kundër Veronës, me një Carlos Augusto që ofroi garanci.

Një tjetër element kyç do të jetë Henrikh Mkhitaryan, që po rikthehet në formën e tij më të mirë. Armeni pritet të luajë një rol të trefishtë: të ndihmojë në mbulimin e Yamal-it, të ndalë sulmet dhe njëkohësisht të nisë aksione për Interin. Një sfidë e rëndësishme për “senatorin” zikaltër – përballë futbollistit më të mirë në botë për momentin. /Koha Jonë/