Starova: Jam i kënaqur me lojën, por jo me rezultatin. Arbitri gaboi në mënyrë njerëzore

Trajneri i Partizanit, Sulejman Starova, ka folur pas barazimit 1-1 kundër Kukësitt.

Tekniku i të kuqve vlersoi lojën e skuadrës së tij duke u shprehur se ekipi arriti të domonojë takimin por ishin të pafat.

“Kemi luajtur shumë mirë sot. Kukësi nuk mbaj mend të na ketë ardhur më shumë se dy herë te porta. Torasa? Ishte një moment kur Torasa dhe Fejzullahi nuk u morën vesh mes tyre. Fejzullahi më tha që Torasa kërkon zëvendësim, por nuk kishte qenë kështu. Unë i thashë edhe lojtarëve se duhet të jemi të qetë. Diferenca mes pikëve është e njëjtë, por me lojë nuk është ashtu.

Ndoshta aleancat që janë bërë më parë e kanë çuar situatën e ekipeve në këtë stad që janë me pikë. Për fat të keq kishim disa lojtarë që nuk ishin në gjendjen më të mirë të tyre, si Torasa, Ekuban dhe Mazrekaj. Nuk jam i kënaqur me rezultatin sot, por me skuadrën jam i kënaqur. Arbitri sot gaboi në mënyrë njerëzore. Ai nuk gaboi me dashje. Vila po më thoshte se ishte penallti ndaj tij, ndërsa Ekuban më tha se duhet t’i jepte karton të kuq (të dytin e verdhë) për Shametin”, tha Starova