Struga fiton për herë të dytë radhazi titullin kampion në Maqedoninë e Veriut

Struga Trim & Lum është shpallur për të dytin vit radhazi kampione në futboll në Maqedoninë e Veriut për sezonin 2023/24.

Struga arriti të sigurojë kreun e renditjes pas fitores 0-2 që mori ndaj Shkëndijës në ndeshjen e 32-të dhe të parafundit të kampionatit

Ndonëse në transfertë, struganët arritën ta gjenin dy herë rrugën e rrjetës me Besart Ibraimin në 43’ dhe Marjan Radeskit në të 48-ën

Kjo ndeshje ishte edhe përcaktuese për skuadrën kampione, pasi ishte një përballje mes dy skuadrave të para në tabelë.