Suarez përmbys i vetëm Eibarin, Atletico arratiset në krye (VIDEO)

Atletico Madrid vijon serinë e fitoreve radhazi në La Liga. Skuadra e Simeones triumfoi me përmbysje 2-1 në transfertën ndaj Eibar. Luis Suarez ishte heroi për ekipin e Los Colchoneros, duke shënuar dy golat. Vendasit kaluan të parët në avantazh që në minutën e 12-të me Dmitrovic, por reagimi i Atleticos do të vinte në fundin e pjesës së parë.

Suarez përfitoi nga një gabim i mbrojtjes së Eibarit për të realizuar. Në fundin e ndeshjes, sulmuesi uruguaian fitoi një penallti që do ta kthente po vetë në gol me “Panenka”. Atletico pas kësaj fitoreje mban vendin e parë me 44 pikë 7 më shumë se Reali, por dhe me një tjetër ndeshje për të rikuperuar. /R.Lika-Koha Jone/