Tirana një turp futbolli!

Tirana zhvilloi në “Selman Stërmasi” ndeshjen e kthimit të turit të parë kualifikues të Ligës së Europës ndaj izraelitëve të Makabi Tel-Avivit.

Bardheblutë u mposhtën në takimin e parë me rezultatin 2-0 përballë një kundërshtari me nivel shumë më të lartë, ndërsa sot rezultati ishte më i thellë.

Izraelitët fituan 3-0 duke siguruar biletën e kualifikimit për në turin pasardhës.

Gjatë pjesës së parë bardheblutë zhvilluan një lojë të mirë, por u mungoi goli.

Fatale për të besuarit e Ze Marias është minuta e 45-të, ku Sentami godet pa top kundërshtarin dhe ndëshkohet me karton të kuq.

Në fillimin e fraksionit të dytë janë miqtë që shënojnë në portën e Ilion Likës. Schoenfeld në minutën e 50-të shuan shpresat e bardhebluve për kualifikim.

Më pas çdo gjë foli për izraelitët, të cilët dërguan topin edhe  herë të tjerë, duke e çuar në 5-0 rezultatin e përgjithshëm të dy përballjeve.