Tirana synon mrekullinë sonte ndaj Besiktasit, kërkon një “dorë” nga tifozët

Tirana do të luajë sot në orën 20:00 sfidën e kthimit për kualifikueset e Conference League ku do të presë në “Air Albania”, skuadrën e fortë turke, Besiktasin. Ndeshja e parë në Turqi përfundoi me rezultatin 3-1 për vendasit.

Ajo që duket se i mban ende në lojë bardheblutë është goli i realizuar nga Kaina Nunes në sfidën e parë. Ekipit të Shehit i duhet një mrekulli ndaj gjigantëve turk dhe t’i mposhtin të paktën me dy gola diferencë për ta çuar sfidën në shtesë.

Besiktasi është përforcuar shumë gjatë kësaj vere ndaj dhe misioni i Tiranës do të jetë i vështirë, edhe pse në fakt pritet që stadiumi të jetë i mbushur plot.