Trajneri i Partizanit të Beogradit: Faleminderit për mikpritjen, ua kemi borxh

Miroslav Djukic ka falënderuar shqiptarët për mikpritjen.

Trajneri i Partizanit të Beogradit, Miroslav Djukic, vlerësoi shumë organizimin e takimit të ‘Elbasan Arena’ dhe falënderoi shqiptarët për mikpritjen.

“Ishte një ndeshje mjaft e mirë dhe më vjen mirë që u fol vetëm për futboll. Jemi shumë të kënaqur me mikpritjen që na është bërë dhe duam t’ua kthejmë në të njëjtën mënyrë në Beograd, por me rezultat ndryshe. Jam i kënaqur me barazimin, sepse ishte rezultati më i drejtë”, tha ai. Trajneri i serbëve u shpreh se mbeti i zhgënjyer me dhunën e vitit 2015, në Serbi-Shqipëri, ndërsa premtoi se këtë herë asgjë nuk do të ndodhë në Beograd.