Transferimi i Mbappe te Reali, reagon Ronaldo: Jam i emocionuar …

Pas njoftimit zyrtar për transferimin e Kylian Mbappe tek Real Madrid, ylli francez ka marrë shumë mesazhe. Mbappe do t’i bashkohet atyre tek Real Madrid më vonë gjatë kësaj vere, por me shumë mundësi mesazhi më i madh erdhi nga Cristiano Ronaldo, idhulli i Mbappes.

Ronaldo komentoi në njoftimin e Mbappes në Instagram, aty ku shprehu kënaqësinë e tij për këtë lëvizje.

“Jam i emocionuar t’iu shoh duke e ndezur Bernabeun”, ishte komenti i Ronaldos në postimin e Mbappes në rrjetin social Instagram.

Lajmi për kalimin e Mbappes tek Real Madrid bëri që të “shpërthejnë” rrjetet sociale, madje aq bujë të madhe pati ky transferim sa që uebsajti zyrtar i klubit spanjoll për disa minuta ishte jashtë funksionit.