Unai Simon dëmtohet dhe do të mbetet jashtë fushave për disa muaj

Portieri i Spanjës dhe i Athletic Bilbaos, Unai Simon, do të mungojë për katër muaj pas operacionit për një dëmtim në kyçin e dorës. Lajmi është konfirmuar nga skuadra spanjolle.

“Unai Simon u operua me sukses. Portieri i Athletic Club iu nënshtrua një operacioni në kyçin e dorës së djathtë të enjten në mbrëmje në Madrid. Operacioni u zhvillua pa ndonjë incident të madh dhe ai pritet të dalë nga spitali të premten”.

Portieri rrezikon të rikthehet në portë në vitin 2025, ndërkohë që zëvendësuesi i tij Julen Agirrezabala pak ditë më parë pësoi një frakturë të vertebrës së mesit dhe pritet të kthehet në fund të gushtit.